అన్ స్టాప‌బుల్ షోలో పాల్గొన్నారు ల‌క్కీభాస్క‌ర్ మూవీ టీం.ఈ ప్రమోషన్స్‌లో భాగంగా దుల్కర్ సల్మాన్ , మీనాక్షి చౌదరి, డైరెక్టర్‌ వెంకీ అట్లూరి ఎపిసోడ్‌ 2లో ప్రత్యక్షమయ్యారు. దుల్కర్ సల్మాన్, బాలకృష్ణ, వెంకీ అట్లూరి సరదా చిట్‌చాట్‌, ఆటతో పేల్తాయ్.. అన్నీ పేల్తాయ్.. అంటూ సాగుతున్న ప్రోమో ఎపిసోడ్‌పై ఆసక్తిని పెంచుతుంది. ఫుల్ ఎపిసోడ్‌ అక్టోబర్ 31న దీపావళి కానుకగా రాత్రి 7 గంటలకు ప్రీమియర్ కానుంది. వెంకీ అట్లూరి దర్శకత్వం వహిస్తున్న లక్కీ భాస్కర్ తెలుగు, తమిళం, మలయాళం, హిందీ భాషల్లో అక్టోబర్ 31న గ్రాండ్‌గా విడుదల కానుంది.
బ్యాంక్ ఉద్యోగిగా నటిస్తోన్న దుల్కర్ సల్మాన్.. నా పేరు భాస్కర్ కుమార్.. నా జీతం ఆరు వేల రూపాయలు. బార్డర్ లైన్ దరిద్రంలో బతుకుతున్నా.. నేనే కావాలని నన్ను చేసుకుంది నా భార్య సుమతి. నా బలం నా భార్య.. అసలు కథ ఇప్పుడే మొదలైందంటూ ట్రైలర్‌ వాయిస్‌ ఓవర్‌ ఇస్తూ సినిమాపై అంచనాలు అమాంతం పెంచేస్తున్నాడు. ఈ చిత్రాన్ని సితార ఎంటర్‌టైన్‌మెంట్స్‌, ఫార్చ్యూన్‌ ఫోర్‌ సినిమాస్‌ పతాకాలపై సూర్యదేవర నాగవంశీ, సాయిసౌజన్య తెరకెక్కిస్తుండగా.. జీవీ ప్రకాష్‌ కుమార్ సంగీతం అందిస్తున్నాడు.
