హీరో వరుణ్ తేజ్ న‌టిస్తున్న తాజా చిత్రం మట్కా. ఈ మూవీలో మరో కీ రోల్‌ చేస్తున్న బొమ్మాళి రవిశంకర్ లుక్ విడుదల చేశారు. ఓల్డ్‌ మ్యాన్‌ లుక్‌లో ఉన్న రవిశంకర్ కుడిచేతిలో తుపాకీ, ఎడమ చేతిలో పిస్తోల్‌ పట్టుకున్న లుక్ సినిమాపై క్యూరియాసిటీ పెంచుతోంది. ఇంతకీ రవిశంకర్ ఇలా రెండు గన్స్‌ పట్టుకోవడానికి కారణమేంటనేది సస్పెన్స్‌లో పెట్టేశాడు డైరెక్టర్. ఈ లుక్‌తో సినిమాపై హైప్‌ పెంచేస్తుంది వరుణ్ తేజ్ టీం.పలాస 1978 ఫేం కరుణకుమార్ దర్శకత్వం వ‌హిస్తున్నాడు. పాన్ ఇండియా ప్రాజెక్ట్‌ మట్కా . పీరియాడిక్ బ్యాక్‌ డ్రాప్‌లో తెరకెక్కుతున్న ఈ మూవీలో మీనాక్షి చౌదరి, నోరా ఫతేహి హీరోయిన్లుగా నటిస్తున్నారు. ఈ చిత్రాన్ని నవంబర్ 14న గ్రాండ్‌గా విడుదల చేయనున్నారు. ఈ నేపథ్యంలో ప్రమోషన్స్‌లో భాగంగా పుష్ప యాక్టర్ అజయ్‌ ఘోష్ పోషిస్తున్న పాత్రకు సంబంధించిన చిల్లప్ప రెడ్డి లుక్ నెట్టింట వైరల్ అవుతోంది.
