నేష‌న‌ల్ అవార్డు విన్న‌ర్ ఐకాన్ స్టార్ అల్లు అర్జున్ నేడు త‌న 43వ పుట్టిన‌రోజును జ‌రుపుకుంటున్నాడు. ఈ క్రమంలోనే ఆయ‌న‌కు అభిమానుల‌తో పాటు సినీ ప్ర‌ముఖులు బ‌ర్త్‌డే విషెస్ తెలుపుతున్నారు. తాజాగా అగ్ర క‌థానాయ‌కుడు ఎన్టీఆర్(Jr. NTR) కూడా అల్లు అర్జున్‌కి పుట్టిన‌రోజు శుభాకాంక్షలు తెలిపాడు. ఈ సంద‌ర్భంగా బావ అంటూ ప్రత్యేక పోస్ట్ పెట్టాడు. ”జన్మదిన శుభాకాంక్షలు అల్లు అర్జున్ బావ. ఈ సంవత్సరం నీకు మరింత శక్తి, ప్రేమ‌తో పాటు మరిన్ని విజయాలు తీసుకురావాలని కోరుకుంటున్నానంటూ” ఎన్టీఆర్ రాసుకోచ్చాడు. దీనిపై స్పందించిన అల్లు అర్జున్.. బావ.. నీ అందమైన శుభాకాంక్షలకు చాలా ధన్యవాదాలు. నీకు మరింత ప్రేమ, శక్తి కలగాలని కోరుకుంటున్నానంటూ బ‌న్నీ రాసుకోచ్చాడు.
