ప్రేక్ష‌కుల‌ని భ‌య‌పెట్టేందుకు సిద్ధ‌మ‌యింది న‌టి అనుష్క.ఆమె ప్ర‌ధాన పాత్ర‌ల్లో న‌టిస్తున్న తాజా చిత్రం ఘాటి . ఈ సినిమాకు వేదం, కంచె చిత్రాల ద‌ర్శ‌కుడు జాగర్ల‌మూడి కృష్ణ (క్రిష్) ద‌ర్శ‌క‌త్వం వహిస్తున్నాడు. 4 ఏండ్ల నుంచి షూటింగ్ జరుపుకుంటున్న ఈ చిత్రం ఇటీవ‌లే షూటింగ్ కంప్లీట్ చేసుకుంది. అయితే నేడు అనుష్క పుట్టినరోజు సంద‌ర్భంగా ఆమెకి శుభాకాంక్ష‌లు తెలుపుతూ ఘాటి నుంచి ఫ‌స్ట్ లుక్‌ను విడుద‌ల చేసిన విష‌యం తెలిసిందే. ఇప్ప‌డు తాజాగా మూవీ నుంచి గ్లింప్స్‌ను వ‌దిలారు మేక‌ర్స్. స్టోరీ గురించి ఎటువంటి హింట్ ఇవ్వ‌కుండా గ్లింప్స్‌ విడుద‌ల చేశారు మేక‌ర్స్.
ఇక వీడియో చూస్తుంటే అనుష్క ట్రైబ‌ల్ అమ్మాయి పాత్ర‌లో క‌నిపించ‌బోతున్న‌ట్లు తెలుస్తుంది. భారతదేశంలోని కొండ లోయలలో నివ‌సించే జీవితాల ఆధారంగా ఈ సినిమా రానుంది. ఇందులో అనుష్క ఒక బాధితురాలి నుంచి క్రిమిన‌ల్‌గా, అనంత‌రం లెజెండ్‌గా ఎలా మారింది తెలియాలంటే ఈ సినిమా చూడాల్సిందే అంటూ మేక‌ర్స్ తెలిపారు. ఇక కొండ‌పోలం వంటి భారీ డిజాస్టార్ త‌ర్వాత క్రిష్ ద‌ర్శ‌క‌త్వంలో ఈ సినిమా వ‌స్తుండ‌టంతో మూవీపై భారీ అంచ‌నాలు ఉన్నాయి. ఇక ఈ సినిమాను యూవీ క్రియేష‌న్స్ బ్యాన‌ర్ తెర‌కెక్కిస్తుంది. ఈ సినిమాను తెలుగుతో పాటు త‌మిళం, హిందీ, క‌న్న‌డ, మ‌ల‌యాళం భాష‌ల్లో విడుద‌ల చేయ‌నున్న‌ట్లు చిత్ర‌బృందం ప్ర‌క‌టించింది.
