బాలకృష్ణను అఖండ 2 తాండవం చిత్ర బృందం సెట్‌లో సత్కరించింది. పద్మభూషణ్ పురస్కారం పొందిన అనంతరం బాలకృష్ణ చిత్రీకరణకు హాజరయ్యారు. ఈ సందర్భంగా చిత్ర యూనిట్ బాలకృష్ణను ఘనంగా సన్మానించింది. కేక్ కట్ చేసి తమ అభినందనలు తెలియజేశారు. బాలకృష్ణ కథానాయకుడిగా బోయపాటి శ్రీను దర్శకత్వంలో అఖండ 2 – తాండవం చిత్రం నిర్మాణం ప్రస్తుతం జరుగుతోంది. 2021లో విడుదలైన అఖండ చిత్రం భారీ విజయాన్ని సొంతం చేసుకున్న విషయం తెలిసిందే. ఈ క్రమంలో ఈ చిత్రానికి సీక్వెల్‌గా రానున్న అఖండ 2 తాండవంపై భారీ అంచనాలు నెలకొన్నాయి. ఈ సినిమా చిత్రీకరణ ప్రస్తుతం హైదరాబాద్‌లో జరుగుతోంది. ఈ సీక్వెల్‌ను భారీ బడ్జెట్‌తో నిర్మిస్తున్నారు. ఈ ఏడాది దసరా సందర్భంగా సెప్టెంబర్ 25న ఈ చిత్రం ప్రేక్షకుల ముందుకు రానుంది.
