నటసామ్రాట్‌ స్వర్గీయ అక్కినేని నాగేశ్వరరావు జాతీయ పురస్కారాన్ని 2024వ సంవత్సరానికి గాను అగ్ర నటుడు చిరంజీవికి ఇవ్వనున్నట్టు అక్కినేని కుటుంబం ప్రకటించిన విషయం తెలిసిందే. నేడు జ‌రిగే ప్రదానోత్సవ కార్యక్రమంలో చిరంజీవి ఈ అవార్డును అందుకోనున్నారు. ఈ వేడుక‌కు ముఖ్య అతిథిగా బాలీవుడ్ బిగ్ బీ అమితాబ్ బ‌చ్చ‌న్ రానున్నారు. అయితే ఈ వేడుక‌కు సంబంధించి ఇప్ప‌టికే అక్కినేని ఫ్యామిలీతో పాటు ద‌గ్గుబాటి ఫ్యామిలీకి చెందిన కుటుంబ సభ్యులు హాజ‌ర‌య్యారు. తాజాగా అక్కినేని కుటుంబంలోకి అడుగుపెట్టే కాబోయే కొత్త కోడ‌లు శోభితా ధూళిపాళ కూడా ఈ వేడుక‌కు వ‌చ్చింది. లైట్ గ్రీన్ క‌ల‌ర్ సారీలో వ‌చ్చిన శోభితా ఈవెంట్‌కు స్పెష‌ల్ అట్రాక్ష‌న్‌గా నిలిచింది. కాగా ఇందుకు సంబంధించిన వీడియోలు వైర‌ల్‌గా మారాయి.
