ఈమ‌ధ్య‌కాలంలో సినిమా ప్ర‌మోష‌న్స్ ని వినూత్నంగా చేస్తున్నారు. అదే త‌ర‌హాలో అమరన్ ట్రైల‌ర్ ని బుధ‌వారం సాయంత్రం 6గంట‌ల‌కి లాంచ్ చేయ‌నున్నారు. ఈ సంద‌ర్భంగా కొత్త లుక్ ని రిలీజ్ చేశారు. జవాన్ల చప్పట్ల మధ్య మేజర్ ముకుంద్‌-ఇందు వర్గీస్ హ్యాపీ మూడ్‌లో ఉండటం చూడొచ్చు. ఈ లుక్ సినిమాపై క్యూరియాసిటీ పెంచేస్తుంది. ఈ సినిమా నుంచి జీవీ ప్రకాశ్ కుమార్ కంపోజిషన్‌లో విడుదల చేసిన ఫస్ట్‌ సింగిల్‌ హే రంగులేతోపాటు Vennilavu Saaral పాటలకు మంచి స్పందన వస్తోంది. ఇక సాయిపల్లవి రెబెకా వర్గీస్ పాత్రకు సంబంధించిన ఇంట్రడక్షన్‌ వీడియో నెటిజన్లను ఇంప్రెస్ చేస్తోంది. ఈ మూవీలో విశ్వరూపం ఫేం రాహుల్ బోస్ విలన్‌గా నటిస్తున్నాడు. కథానుగుణంగా ఈ చిత్రంలో ఎక్కువ భాగం కశ్మీర్‌లో షూట్ చేశారు.మేజర్ ముకుంద్‌ జీవితంలోని పలు కోణాలను ఆవిష్కరిస్తూ అమరన్ సినిమా తెరకెక్కుతున్న విషయం తెలిసిందే. కోలీవుడ్‌ స్టార్ యాక్టర్లు శివకార్తికేయన్ మేజర్ ముకుంద్‌ పాత్రలో నటిస్తుండగా.. సాయిపల్లవి మేజర్ ముకుంద్‌ సతీమణి ఇందు రెబెకా వర్గీస్ పాత్రలో నటిస్తోంది.ఈ చిత్రానికి రాజ్‌కుమార్‌ పెరియసామి దర్శకత్వం వహిస్తున్నాడు.
