తెలంగాణ ముఖ్యమంత్రి రేవంత్ రెడ్డికి ఏపీ సీఎం చంద్రబాబు నాయుడు, ఉపముఖ్యమంత్రి పవన్ కల్యాణ్ పుట్టినరోజు శుభాకాంక్షలు తెలిపారు. దీర్ఘాయుష్షుతో ఆరోగ్యంగా జీవించాలని కోరుకుంటున్నానని చంద్రబాబు ఎక్స్ వేదికగా ట్వీట్ చేశారు. “తెలంగాణ సీఎం రేవంత్ రెడ్డి గారికి పుట్టినరోజు శుభాకాంక్షలు” అని ట్వీట్ చేశారు. ఏపీ డిప్యూటీ సీఎం పవన్ కల్యాణ్ కూడా శుభాకాంక్షలు తెలిపారు. గౌరవనీయులైన తెలంగాణ సీఎం రేవంత్ రెడ్డికి పుట్టినరోజు శుభాకాంక్షలు… మీకు దేవుడు మంచి ఆరోగ్యాన్ని ఇవ్వాలని, తెలంగాణను మరింత సుభిక్షంగా నడిపించే శక్తిని ఇవ్వాలని కోరుకుంటున్నానని పేర్కొన్నారు. దేవుడు మీకు ఆనందం, ఆరోగ్యం, విజయాన్ని అందివ్వాలని కోరుకుంటున్నానంటూ బీజేపీ నేత ఖుష్బూ పుట్టిన రోజు శుభాకాంక్షలు చెప్పారు.
