పుష్ప2 సినిమా డిసెంబ‌ర్ 5న వ‌ర‌ల్డ్‌వైడ్‌గా విడుద‌ల కానుంది. హీరోగా అల్లు అర్జున్ న‌టిస్తున్నాడు.ర‌ష్మిక హీరోయిన్ గా న‌టిస్తోంది. ఈ చిత్రంలోని ఐటెమ్ సాంగ్‌కు సంబంధించి మేక‌ర్స్ కీల‌క అప్‌డేట్ ఇచ్చారు. యంగ్ బ్యూటీ శ్రీలీల ఈ సాంగ్ చేయ‌బోతున్నట్లు ప్ర‌క‌టించారు. టాలెంటెడ్ డ్యాన్స‌ర్ శ్రీలీల‌కి స్వాగతం.. ఇద్ద‌రు ప‌వ‌ర్‌ఫుల్ డ్యాన్స‌ర్లు వేదిక‌పై నిప్పులు చెరిగేందుకు సిద్ధంగా ఉన్నారు అంటూ మేక‌ర్స్ ట్వీట్ చేశారు. అలాగే ఈ పాట చిత్రీక‌ర‌ణ ఈ నెల 6 నుంచి మొద‌లుకానుంద‌ని తెలిపారు. ప్ర‌ముఖ నృత్య‌ద‌ర్శ‌కుడు గ‌ణేశ్ ఆచార్య కొరియోగ్ర‌ఫీ అందించ‌నున్నారు. దీనికి రేసుగుర్రంలోని సినిమా చూపిస్తా మావ అనే పాట‌పై శ్రీలీలను బ‌న్నీ ఎత్తుకుని డ్యాన్స్ చేస్తున్న వీడియోను జోడించారు. అస‌లు త‌గ్గేదేలే అంటూ మేక‌ర్స్ చేసిన ఈ ట్వీట్ ఇప్పుడు సోష‌ల్ మీడియాలో తెగ హ‌ల్‌చ‌ల్ చేస్తోంది. ఇది చూసిన సినిమా ల‌వ‌ర్స్ ఇద్ద‌రు టాలెంటెడ్ డ్యాన్స‌ర్ల‌ను ఒకేసారి తెర‌పై చూస్తే థియేట‌ర్లు ద‌ద్ధ‌రిల్లిపోవ‌డం ఖాయ‌మ‌ని కామెంట్ చేస్తున్నార.
