కోలీవుడ్ స్టార్ యాక్టర్ ధనుష్ కాంపౌండ్ నుంచి వస్తోన్న మరో చిత్రం ఇడ్లికడై . ఈ చిత్రం షూటింగ్‌ను సైలెంట్‌గా మొదలు పెట్టి ఇప్పటికే అభిమానులకు సర్‌ప్రైజ్‌ చేశాడు ధనుష్. DD4గా వస్తోన్న ఈ చిత్రంలో నిత్యమీనన్‌ హీరోయిన్‌గా నటిస్తుంది.తాజాగా సినిమా విడుదల తేదీ ప్రకటిస్తూ కొత్త పోస్టర్ విడుదల చేశారు. ఈ మూవీని 2025 ఏప్రిల్‌ 10న విడుదల చేయనున్నారు. తాటాకుల పైకప్పుతో ఉన్న చిన్న రూం వైపు నడుచుకుంటూ వెళ్తున్న లుక్ సినిమాపై క్యూరియాసిటీ పెంచేస్తుంది. ఇంతకీ ఈ సారి ఎలాంటి స్టోరీతో ప్రేక్షకుల ముందుకు రాబోతున్నాడనేది ఆసక్తిని రేకెత్తిస్తోంది. ఈ మూవీలో అరుణ్ విజయ్‌, సత్యరాజ్‌, అశోక్‌ సెల్వన్‌, రాజ్‌కిరణ్‌ ఇతర కీలక పాత్రలు పోషిస్తున్నారు. ఆకాశ్‌ (డెబ్యూ) నిర్మిస్తోన్న ఈ చిత్రానికి జీవీ ప్రకాశ్ కుమార్ మ్యూజిక్‌, బ్యాక్‌ గ్రౌండ్ స్కోర్‌ అందిస్తున్నాడు. తిరు సినిమా తర్వాత ధనుష్, నిత్యమీనన్‌ కాంబోలో వస్తున్న సినిమా కావడంతో అంచనాలు భారీగా ఉన్నాయి.
