సోషల్ మీడియాలో ఓ వీడియో వైరల్ అవుతోంది. ఇందులో ఓ జంట ఆన్‌లైన్‌లో నిశ్చితార్థం చేసుకోవడం కనిపించింది. వైరల్ అవుతున్న ఈ వీడియోలో అమ్మాయి ఉంది.. కానీ అబ్బాయి మాత్రం ఆన్‌లైన్‌లో అందుబాటులోకి వచ్చాడు. అలాగే, నిశ్చితార్థం కొనసాగించారు ఇరువురి తల్లిదండ్రులు, బంధుమిత్రులు. ఈ వింత వీడియో నెట్టింట హల్‌చల్‌ చేస్తోంది. అందరినీ ఆశ్చర్యపోయేలా చేస్తోంది.ఆన్‌లైన్ ఎంగేజ్‌మెంట్ ఇంటర్నెట్ వినియోగదారులను విస్మయానికి గురి చేస్తోంది. navvarababu_Instagram ఖాతాలో షేర్ చేసిన వీడియోలో ఒక అమ్మాయి ఫైబర్ కుర్చీపై కూర్చుని ఉంది. నుదుటిపై తిలకం పూసారు. ఆ పక్కనే మరో కూర్చీలో అత్యంత షాకింగ్ ఘటన కనిపించింది. అక్కడ కూర్చీలో ఫోన్‌ కెమెరాలో ఒక యువకుడి చిన్న ఫ్రేమ్ ఫోటో ఉంచారు. ఆ ఫోటో చుట్టూ చాలా నోట్ల కట్టలు కూడా కనిపిస్తున్నాయి. బహుశా ఈ డబ్బు కట్నం కావచ్చు. వీడియోను షేర్ చేస్తూ..దానికి క్యాప్షన్ కూడా ఇచ్చారు..ఇది కదా డిజిటల్ ఇండియా అంటే.. అని రాశారు.
