టాలీవుడ్ స్టార్ న‌టుడు జూనియర్ ఎన్టీఆర్‌పై బాలీవుడ్ న‌టుడు హృతిక్ రోష‌న్ ప్ర‌శంస‌లు కురిపించారు. తాజాగా ఆయ‌న ఒక ఈవెంట్‌కు ముఖ్య అతిథిగా హాజ‌ర‌య్యారు. ఈ సంద‌ర్భంగా హృతిక్‌ని యాంక‌ర్ మీ నా ఫేవ‌రేట్ కో-స్టార్ ఎవ‌రు అని అడిగారు. దీనికి హృతిక్ రోష‌న్ బ‌దులిస్తూ.. త‌న ఫేవరెట్ కో స్టార్ తెలుగు యాక్ట‌ర్ జూనియర్ ఎన్టీఆర్ అని చెప్పారు. అత‌నోక అద్భుత న‌టుడే కాకుండా మంచి మ‌నిషి. గోల్డెన్ హార్ట్. ‘వార్ 2’లో ఆయ‌న‌తో క‌లిసి న‌టించ‌డం ఆనందంగా ఉందంటూ హృతిక్ రోష‌న్ చెప్పుకొచ్చారు. ఇందుకు సంబంధించిన వీడియో ప్ర‌స్తుతం నెట్టింట వైర‌ల్ అవుతోంది. అలాగే ఈ సంద‌ర్భంగా ‘వార్ 2’ విడుద‌ల తేదీని కూడా హృతిక్ ఖ‌రారు చేశారు. ఈ సినిమాను స్వాతంత్ర్య దినోత్స‌వం కానుక‌గా.. ఆగ‌ష్టు 14న విడుద‌ల చేస్తున్న‌ట్లు వెల్ల‌డించారు.
