2025పై చాలా ఆశ‌లు పెట్టుకున్నారు ప‌లువురు హీరోయిన్స్.ఆ వివ‌రాలు చూద్దాం. న‌టి అనుష్క‌శెట్టి చేతిలో రెండు ప్రాజెక్టులున్నాయిప్పుడు. ఆల్రెడీ 2024 ఎండింగ్‌కి వచ్చేస్తున్నాం కాబట్టి, ఆ రెండు ప్రాజెక్టులు నెక్స్ట్ ఇయరే రిలీజ్‌ అయ్యేది. పొడవు కాళ్ల సుందరి పూజా హెగ్డేకి 2025లో ఒకటికి మూడు రిలీజులుంటాయి. హిందీలో దేవా, తమిళ్‌లో సూర్య 44, దళపతి 69లో హీరోయిన్‌గా నటిస్తున్నారు ఆమెతో పాటు సిల్వర్‌స్క్రీన్స్ మీద నెక్స్ట్ ఇయర్ పలకరించే అవకాశం ఉందంటుంది న‌టి సమంత. లాస్ట్ ఇయర్ ఖుషీతో మెప్పించారు సమంత.
గత కొన్నాళ్లుగా సిటాడెల్‌ హనీబన్నీతో వార్తల్లో ఉన్నా, అది థియేటర్లలోకి రాదు. సో,, సామ్‌ సిల్వర్‌స్క్రీన్‌ మీద కనిపించాలంటే వచ్చే ఏడాది వరకు వెయిట్ చేయాల్సిందే. ఓన్‌ ప్రొడక్షన్‌ హౌస్‌లో తెరకెక్కుతున్న సినిమాతోనే జనాలకు హాయ్‌ చెబుతారేమో సామ్‌… ఈమెలాగానే శ్రుతి కూడా నెక్స్ట్ ఇయర్ ప్లీజ్‌ అని అంటున్నారు. లాస్ట్ ఇయర్ దుమ్ము రేపిన బ్యూటీ శ్రుతి హాసన్‌. ఈ ఏడాది జస్ట్ అలా గడిపేశారు. నెక్స్ట్ ఇయర్ మాత్రం కూలీ, సలార్‌2 అంటూ భారీ లిస్టే ప్రిపేర్‌ చేసుకుంటున్నారు. సేమ్‌ శ్రుతిలాగానే నెక్స్ట్ ఇయర్ ప్యాన్‌ ఇండియా ప్రాజెక్టులుంటాయని హింట్‌ ఇస్తున్నారు నయనతార. సో.. ఈ ఏడాది మిస్‌ అయిన సందడిని 2025 తెచ్చేస్తుందనే న‌మ్మ‌కంతో ఉన్నారు ఈ న‌టీమ‌ణులు. మ‌రి వారి సినిమాలు హిట్టా ఫ‌ట్టా తెలియాలంటే నెక్ట్స్ ఇయర్ వరకు వెయిట్ చేయాల్సిందే.
