మ‌రో రాకెట్ ప్ర‌యోగం..శ్రీవారి సుప్ర‌భాత‌సేవ‌లో ఇస్రో అధికారులు

భారత అంతరిక్ష పరిశోధనా సంస్థ ఇస్రో మరో రాకెట్ ప్రయోగానికి సిద్ధమయింది. ఈ సాయంత్రం 4.08 గంటలకు శ్రీహరికోటలోని షార్ అంతరిక్ష రాకెట్ ప్రయోగ కేంద్రం నుంచి పీఎస్ఎల్వీ సీ59ని ప్రయోగించనుంది. ఈ రాకెట్ ద్వారా 550 కేజీల బరువున్న శాటిలైట్లను నిర్ధారిత కక్ష్యల్లో ప్రవేశపెట్టనున్నారు. షార్ లోని మొదటి ప్రయోగ వేదికపై అనుసంధానం పనులు ఇప్పటికే పూర్తయ్యాయి. ఈ రాకెట్ ద్వారా అక్యుల్టర్, కరోనా గ్రాస్ అనే రెండు శాటిలైట్లను నింగిలోకి పంపుతున్నారు. ఈ ప్రయోగానికి కౌంట్ డౌన్ నిన్న మధ్యాహ్నం 2.38 గంటలకు ప్రారంభమయింది.ఈ తెల్లవారుజామున తిరుమల శ్రీవారి సుప్రభాతసేవలో ఇస్రో అధికారులు పాల్గొన్నారు. ఈ సందర్భంగా రాకెట్ నమూనాని స్వామివారి పాదాల చెంత ఉంచి ఆశీస్సులు తీసుకున్నారు.