మంచు ఫ్యామిలీ నుంచి వ‌స్తున్న మోస్ట్ ప్రెస్టీజియస్ ప్రాజెక్ట్ క‌న్న‌ప్ప . దాదాపు రూ.100 కోట్ల బ‌డ్జెట్‌తో వ‌స్తున్న ఈ సినిమాను క‌లెక్ష‌న్ కింగ్ మంచు మోహ‌న్ బాబు నిర్మిస్తుండ‌గా.. మంచు విష్ణు క‌థానాయ‌కుడిగా న‌టిస్తున్నాడు. హిస్టారికల్ బ్యాక్‌డ్రాప్‌లో వ‌స్తున్న ఈ చిత్రంలో ప్ర‌భాస్‌తో పాటు బాలీవుడ్, కోలీవుడ్ అగ్ర తార‌లు న‌టిస్తున్న విష‌యం తెలిసిందే. ఈ చిత్రానికి మహాభారతం సీరియల్ ఫేమ్ ముఖేష్‌కుమార్‌ సింగ్ దర్శక‌త్వం వ‌హిస్తున్నాడు. ఇప్ప‌టికే ఈ మూవీ నుంచి విష్ణుతో పాటు ప్ర‌ముఖుల ఫ‌స్ట్ లుక్‌ల‌ను పంచుకున్న చిత్ర‌బృందం తాజాగా మోహ‌న్ బాబు ఫ‌స్ట్‌లుక్‌ను విడుద‌ల చేసింది. ఈ సినిమాలో మోహ‌న్ బాబు మహదేవ్ శాస్త్రి అనే ప‌వ‌ర్‌ఫుల్ రోల్‌లో క‌నిపించ‌బోతున్న‌ట్లు చిత్ర‌బృందం తెలిపింది.
