పార్లమెంట్ సమావేశాల అనంతరం, లోక్ సభ స్పీకర్ శ్రీ ఓం బిర్లా కార్యాలయంలో ఆయనను మర్యాదపూర్వకంగా కలిసిన విజయనగరం పార్లమెంట్ సభ్యులు కలిశెట్టి అప్పలనాయుడు, తెలుగుదేశం పార్టీ జాతీయ ఉపాధ్యక్షులు మాధవ నాయుడు భారతీయ సంస్కృతి, సంప్రదాయాల ప్రాముఖ్యతను ప్రతిబింబిస్తూ ఆంధ్ర ప్రదేశ్‌కు చెందిన ప్రసిద్ధ ప్రదేశం తిరుపతి నుండి శ్రీ వెంకటేశ్వర స్వామి వారి ప్రసాదాన్ని స్పీకర్ కి అందజేశారు.ఇది మాత్రమేకాక, తిరుమల పుణ్యక్షేత్రం భారతదేశంలోనే కాదు, ప్రపంచవ్యాప్తంగా భక్తులందరికీ ప్రసిద్ధి గాంచినది.
తిరుమల శ్రీ వెంకటేశ్వర స్వామి వారి ఆరాధన, భక్తి మాధుర్యాన్ని వ్యక్తీకరిస్తూ, స్పీకర్ ని స్వామివారి దర్శనం కోసం ఆహ్వానించారు. అదేవిధంగా, ఉత్తరాంధ్ర ప్రజల ఆరాధ్య దేవత అయిన శ్రీ పైడితల్లి అమ్మవారి పూజార్చన విశిష్టతను కూడా స్పీకర్ కి వివరించారు. విజయనగరానికి చెందిన పైడితల్లి అమ్మవారి జాతర ప్రతి ఏడాది లక్షలాది మంది భక్తులను ఆకర్షిస్తుండటం ప్రత్యేకత. ఎంపీ అప్పలనాయుడు స్పీకర్ ని అమ్మవారి దర్శనానికి ఆహ్వానించారు.
