ద‌ర్శ‌కుడు మారుతి తెర‌కెక్కిస్తున్న హార్రర్ కామెడీ జోనర్ చిత్రం రాజాసాబ్ . ఎప్పుడెప్పుడా అని చూస్తున్న ప్ర‌భాస్ బర్త్ డే గిఫ్ట్ వచ్చింది.సింహాసనం ఖాళీగా లేదు. సింహాసనం తనకు చెందిన వ్యక్తి కోసం ఎదురుచూస్తోంది.. అంటూ రాజసం ఉట్టిపడేలా తలకిందులుగా ఉన్న సింహాసనం ఫొటోను మేకర్స్‌ ఇప్పటికే షేర్ చేయగా.. నెట్టింట వైరల్ అవుతోంది. తాజాగా బర్త్ డే ట్రీట్‌ ఇస్తూ రాజాసాబ్ పోస్టర్‌ విడుదల చేశారు. రాజసం ఉట్టి పడే రాయల్‌ లుక్‌లో కొంచెం చమత్కారంగా, కొంచెం భయానకంగా కనిపిస్తున్న రాజాసాబ్ స్టిల్ నెట్టింట ట్రెండింగ్ అవుతోంది.రాజసం ఆయన బ్లడ్‌లోనే ఉంది. వివాదరహితుడైన పాలనాదక్షుడు 2025 ఏప్రిల్ 10న వస్తున్నాడు. దీనికే ఇలా అయిపోతే ఎలా ముందు ఉంది అసలైన పండగ.. అంటూ ట్వీట్ చేశారు మేకర్స్‌. ఈ చిత్రంలో మలయాళ బ్యూటీ మాళవిక మోహనన్ , ఇస్మార్ట్ భామ నిధి అగర్వాల్ ఫీ మేల్ లీడ్ రోల్స్‌ పోషిస్తున్నారు.
