టాలీవుడ్ యాక్టర్ రామ్ పోతినేని కాంపౌండ్ నుంచి వస్తున్న తాజా చిత్రం రాపో 22 . మిస్‌ శెట్టి మిస్టర్‌ పొలిశెట్టి ఫేం పీ మహేశ్ బాబు డైరెక్ట్ చేస్తున్నాడు. సినిమా గురించి గ్యాప్‌ లేకుండా బ్యాక్ టు బ్యాక్ వార్తలను షేర్ చేస్తూ అభిమానులను ఫుల్ ఖుషీ చేస్తున్నాడు. ఇప్పటికే ప్రీ లుక్‌తోపాటు భాగ్యశ్రీ బోర్సేను టీంలోకి స్వాగతం పలుకుతూ అప్‌డేట్స్ అందించారని తెలిసిందే. మేకర్స్‌ తాజాగా ఈ చిత్రాన్ని పూజా కార్యక్రమంతో గ్రాండ్‌గా లాంచ్‌ చేశారు. డైరెక్టర్ గోపీచంద్‌ మలినేని కెమెరా స్విఛాన్ చేయగా.. హనురాఘవపూడి క్లాప్ కొట్టాడు. తొలి సన్నివేశానికి వెంకీ కుడుములు గౌరవ దర్శకత్వం వహించాడు.
త్వరలో షూటింగ్ షురూ కాబోతుందని తెలియజేశారు. ఇప్పుడీ ఫొటోలు నెట్టింట వైరల్ అవుతున్నాయి. ఈ చిత్రాన్ని టాలీవుడ్ లీడింగ్ ప్రొడక్షన్‌ హౌజ్‌ మైత్రీ మూవీ మేకర్స్‌ నిర్మిస్తుండటంతో అంచనాలు భారీగానే నెలకొన్నాయి. ఇస్మార్ట్‌ శంకర్‌ తర్వాత మళ్లీ ఆ రేంజ్‌ హిట్టు కోసం ఎదురుచూస్తున్న రామ్‌కు మరి ఈ సినిమాతోనైనా బ్రేక్ వస్తుందేమో చూడాలంటున్నారు సినీ జనాలు.
