త‌మిళ న‌టుడు పార్థీబన్ ఏపీ డిప్యూటీ సీఎం పవన్ క‌ల్యాన్ ని క‌లిశారు. మంగళగిరిలోని తన ఆఫీసుకు వచ్చిన పార్థీబన్‌కు శాలువా కప్పి సత్కరించారు పవన్ కల్యాణ్. ఈ విషయాన్ని పార్థీబన్ , పవన్ కల్యాణ్ ఎక్స్‌ ద్వారా షేర్ చేసుకున్నారు. ప్రతీ సాయంత్రం మేం గుడ్ ఈవినింగ్ చెప్పుకుంటాం. కానీ నిన్న మాత్రం చాలా చాలా శుభ సాయంత్రం. మా కలయిక అందమైన, సత్యమైన క్షణాలను బదలాయించుకునేలా సాగింది. మీరందించిన కానుకలు, ప్రత్యేకించి మీరు చూపించిన ప్రేమ, ఆప్యాయత, ఆతిథ్యం మాటల్లో చెప్పలేనిది. నిజానికి నేనొక రియల్‌ హీరోను కలిశా..అంటూ పవన్ కల్యాణ్‌తోదిగిన సెల్ఫీని షేర్ చేశాడు పార్థీబన్. ఈ సందర్భంగా పవన్ కల్యాణ్ పార్థీబవన్‌కు వినాయకుడి ప్రతిమ అందించగా.. పార్థీబన్ తాను రాసిన పుస్తకాన్ని పవన్ కల్యాణ్‌కు అందించాడు . మరోవైపు ఈ సమావేశానికి సంబంధించిన ఫొటోలను పవన్ కల్యాణ్ ఎక్స్‌లో ట్వీట్ చేశారు. ఈ ఫొటోలు నెట్టింట వైరల్ గా మారాయి.
